No día de hoxe, 20.11.2023, todas as
organizacións sindicais, (SPJ-USO, STAJ,
AXG-CUT, UGT, CSIF, CIG e CCOO),
mantivemos unha xuntanza con
secretario de goberno do Tribunal Superior de Xustiza de Galicia, Juan José
Martín Álvarez. Na mesma manifestamolle a problemática xa coñecida sobre o fin
do teletraballo, pedíndolle unha interlocución, cos letrados da administración
de xustiza e coa Dirección Xeral para facerlle entender a esta última que ten
capacidade dabondo para regular o teletraballo en Galicia.
O Secretario de Goberno manifestou, dentro do ámbito das súas competencias,
o bo resultado que viña amosando o traballo a distancia, expoñendo que non ten
facultades máis alá do corpo de Laxs, do cal é superior xerárquico na CCAA,
como ben sabedes.
Dentro da liña de actuación, que xa coñecíamos da súa etapa como Director
Xeral, máis alá de boas palabras, non houbo forma de conseguir a emisión dunha
circular para que, lles aclare os LAXs que non son eles os que autorizan o
traballo a distancia, senon que esa e unha competencia da Dirección Xeral.
A continuación tivo lugar unha rolda de prensa na que lles expuxemos aos
medios a situación de discriminación na que nos atopamos as traballadoras e os
traballadores da administración de xustiza con respecto ao persoal da
Administración Xeral do Estado, a Administración Xeral da Xunta de Galicia e
incluso doutras administracións autonómicas coas competencias en xustiza,
transferidas.
A 20 de novembro
de 2023.
Asinado
as OOSS