Publicado en www.lavozdegalicia.es
A fiscala xefa da Audiencia Provincial da Coruña, Esther Fernández, comezará a reunirse a partir do próximo 4 de marzo cos oito asinantes da carta na que lle pedían máis persoal nas quendas de garda co fin de escoitar os seus argumentos e necesidades, segundo fontes do ministerio público.
O feito de abrir dilixencias preprocesales non significa, de ningún xeito, segundo a Fiscalía, que existan motivos para investigar se as demandas dos traballadores carrexan algún delito ou falta. Simplemente, segundo recalcan, é para seguir un curso ordinario «no que se establecerá unha rolda de entrevistas para escoitar as reclamacións e, na medida do posible, atendelas».
Esta postura chega un día despois de que a fiscala xefa enviase unha citación aos oito funcionarios que asinaron unha carta na que se solicitaba máis persoal de garda, pois se un xulgado conta con seis funcionarios, a Fiscalía dispón só dun.
