Set25
O presidente de Asturias, Vicente Álvarez Areces, anunciou o acordo definitivo polo que o Goberno autonómico asume a totalidade das competencias en materia de Xustiza, traspaso que se pechou en 32,7 millóns de euros anuais. O acordo inclúe o traspaso de 1.159 empregados públicos do Goberno central ao autonómico e completa a primeira fase da transferencia pechada en xullo de 2006.Segundo informa o Executivo asturiano, Areces fixo estas declaracións na segunda xornada do Debate de Orientación Política, onde precisou que foi pechada en xullo de 2006 e que afectou aos medios materiais e económicos da administración de xustiza (16,5 millóns de euros).
Deste modo, o importe total das competencias en materia de Xustiza recollidas no Estatuto de Autonomía e asumidas polo Goberno asturiano ascende a 49,2 millóns de euros.
Para facer efectiva a transferencia das competencias, nos próximos días constituirase o Relatorio Técnico que elevará o documento do acordo á comisión Mixta de Transferencias Estado-Principado de Asturias.
Unha vez finalizado este proceso, o Consello de Ministros aprobará o decreto de transferencias a finais de decembro, facendo efectivas as transferencias o 1 de xaneiro de 2009.
Fonte: expansion.com
