Sindicatos e persoal do Rexistro Civil de A Coruña expulsados do Pleno municipal por defender o mantemento do Rexistro Civil.


6 abr. 2015


Sindicatos e persoal do Rexistro Civil de A Coruña, expulsados do Pleno municipal por defender o mantemento deste servizo público e gratuito.
Coruña, 1-4-15.



            O goberno municipal vén de aprobar unha moción presentada polo grupo popular sobre o Rexistro Civil que non recolle as demandas de todos os sindicatos (CC.OO, USO, UXT, CSIF, CIG E STAJ) expostas na reunión que éstes mantiveron o pasado martes 31 de marzo co alcalde da Coruña Carlos Negreira  e o concelleiro Miguel Lorenzo, e que si foron apoiadas no Pleno polo resto dos grupos municipais.
            A devandita moción secunda a posición mantida polo goberno central e non garante que non se mercantilice  o Rexistro, a súa gratuidade e a xestión por persoal da Administración de Xustiza.

            Traballadores e representantes sindicais, que asistiron ao pleno  tras serenlle incautadas as camisetas amarelas reivindicativas que portaban, foron expulsados e identificados ao protestar por non ter sido aprobada a moción que recollía as súas pretensións e que garantía a permanencia na Administración de Xustiza do Rexistro Civil e a súa gratuidade.