A Secretaría Xeral de Política Lingüística (SXPL) publica a convocatoria para as probas Celga deste ano, que terán lugar en diversas cidades de Galicia (A Coruña, Santiago de Compostela, Lugo, Ourense e Vigo) e de España (Ponferrada, Barcelona e Madrid) no mes de xuño. Como outros anos, os niveis para os que haberá exame son o 1, 2, 3 e 4.
As persoas destinatarias destas probas son as maiores de 16 anos ou que os fagan antes de finais do ano 2013. Os exames iniciaranse nas seguintes datas(dependendo do número de aspirantes, poderán continuar no día posterior):
- Celga 4: 1 de xuño de 2013.
- Celga 2: 2 de xuño de 2013.
- Celga 3: 8 de xuño de 2013.
- Celga 1: 9 de xuño de 2013.
O prazo para presentar as solicitudes e aboar a taxa que se indica na convocatoria será desde o 16 de xaneiro ata o día 3 de abril de 2013.
Máis información sobre o desenvolvemento das probas e os formularios de inscrición na convocatoria oficial e na páxina dos Celga da Secretaría Xeral de Política Lingüística.
