Proposta formación continua EGAP 2016. Próxima convocatoria do curso superior de linguaxe xurídica galega no 2016.


1 dic 2015




A proposta formativa para o ano 2016 incluirá, por fin, a convocatoria dos cursos de linguaxe xurídica galega nivel superior tantas veces demandados dende CCOO 


Onte, 30 de novembro,tivo lugar na EGAP a comisión de formación coa asistencia das organizacións sindicais CCOO,UGT,CIG  e USO, a Dirección Xeral e representantes da EGAP.
A EGAP presentounos a proposta de formación continua  para o ano 2016.

A maior novidade é que, por fin,tras a resolución do conflito laboral cos profesores de galego, convocaranse  5 edicións de cursos de linguaxe xurídica galega, nivel superior para o ano 2016.
-Para os funcionarios pertencentes á Comunidade Autónoma  de Galicia :
 3 edicións con 30 prazas cada unha (cun total de 90 prazas) .
-Para os funcionarios de xustiza que se atopan fora da Comunidade :
2 edicións con 30 prazas cada unha ( cun total de 60 prazas)
 Todas estes cursos ofertaranse na modalidade de teleformación.

A EGAP propón  a realización dun curso presencial de Xurisdición contencioso-administrativa que tería lugar en Santiago. Dende CCOO , pedimos que o contido deste curso se englobase dentro dos módulos xa existentes da xurisdición contenciosa na modalidade de teleformación.
Dende CCOO seguimos apostando pola continuidade  dos módulos formativos que xa se iniciaron en anos anteriores, polo que , solicitamos que respecto aos novos cursos   propostos pola EGAP : A  Custodia compartida nas crises matrimoniais , Xurisdición Voluntaria,  se englobe dentro dos módulos civís e os cursos de  Prisión Provisional como Medida Cautelar persoal no Proceso Penal se  englobe  tamén dentro dos  módulos  penais.
Dende CCOO pedimos tamén a convocatoria dun curso de Atención ao cidadán e  á  vítima.

Para ver a proposta formativa preme aquí.