Os funcionarios e funcionarias con destino na provincia
da Coruña percibirán a súa nómina o día 2 de maio, segundo nos informou a
Dirección Xeral a última hora da mañá.
A responsabilidade foi un erro na transmisión de
ficheiros por parte da entidade financeira, o Banco Popular, un banco que tivo
un beneficio de 63 millóns de euros no primeiro trimestre do ano.
A frialdade e retraso na transmisión desta información non
merece comentario: semella que os altos dirixentes bancarios ou os postos de
alta dirección na administración non sofren as consecuencias da crise, non teñen
hipotecas ou dificultades para chegar a fin de mes, ou non foron vítimas coma nós
dos recortes retributivos que nos impón o goberno.
Demandamos que se esixan responsabilidades por un feito
que non é a primeira vez que ocorre, que é intolerable, de enorme transcendencia
e incluso dramático para aqueles que teñen recibos hipotecarios a primeiros de
mes, feito que merecería sancións económicas para o Banco e unha actitude máis
firme por parte da administración.
A Coruña, 30 de abril de 2014