O Ministerio de Xustiza remitiu ás organizacións sindicais unha impresentable documentación para a reunión de Mesa Sectorial do próximo 6 de outubro que non ten paralelismo ningún co talante que pretende trasmitir á sociedade
O devandito documento, que non é senón unha transposición de fragmentos do correspondente ao Plan Estratéxico, volve non concretar absolutamente nada: nin datas, nin plans, nin cidades piloto.., por canto é totalmente inservible. Máis ben parece que se emite como xustificación para a convocatoria dunha mesa que só está a servir para alongar o tempo e encontrarnos cunha implantación xa consumada da oficina xudicial nalgúns lugares, xa pactada con outras administracións (CCAA transferidas) e/ou asociacións
E se engadimos o atentado que se pretende cometer contra os dereitos estatutarios dos traballadores a través das emendas pactadas entre PSOE e PP das que informamos noutra noticia publicada hoxe nesta web, ás veces cedemos á tentación de crer que no Ministerio de Xustiza se fai unha lectura moi peculiar da idea de "excelencia", coma se se tratase de que cada gabinete superase o anterior en chapucerismo e en arrastrar aos dereitos dos traballadores
Se alguén desexa comprobar por si o dobre rostro ao que aludimos no antetítulo, achegamos, por un lado, o documento recibido, e por outro a nota de prensa publicada na web do Ministerio alusiva aos presupostos do Ministerio de Xustiza, xunto coa súa presentación gráfica
Documentos relacionados
Documento - Plan Operativo Anual
Nota de prensa del Ministerio de Justicia
Presentación gráfica - Presupuestos de Justicia
_
