CCOO decidiu asistir á devandita convocatoria e así expuxémolo ante a DXX , non apoiando en ningún momento a suspensión da mesa que pedían outras centrais sindicais, porque consideramos que a pesar de que faltaba documentación importante respecto dalgúns puntos da orde do día e que outros puntos (orde de interinos e comisións de servizo) debían ser obxecto da correspondente mesa técnica, CCOO considerou, en todo momento, que a dita mesa debía celebrarse, despois de seis meses de paralización nas negociacións coa DXX.
E aínda que é certo que é máis cómodo dirixirse á DXX a través de notas informativas (sobre todo en período de vacacións) CCOO entende que esa non é a canle legal se queremos ser oídos e transmitir os problemas dos traballadores e traballadoras, sen prexuízo de que, chegado o caso, podamos abandonar a mesa en calquera momento sempre por decisión propia e porque creamos que así o debemos facer (por responsabilidade e pola representación que ostentamos) e iso sen necesidade de arrastrar/convencer a ningunha outra organización sindical (cando hai razóns de peso non fai falla nin convencer nin arrastar) e neste caso, CCOO considerou que non había razóns.
A mesa sectorial ao final celebrouse sen que ningunha das organizacións sindicais levantásese e nin sequera ameazase con plantarse e os que NON optamos pola SUSPENSIÓN da mesa conseguimos que se celebrara a continuación a correspondente mesa técnica de interinos.
