No Boletín Oficial da provincia de Pontevedra número 212, do 4 de novembro de 2011, publicouse publicouse a Resolución da Xefatura Territorial de Traballo e Benestar pola que se aproba o calendario laboral para o ano 2012 na provincia de Pontevedra
Texto
Consonte co disposto no artigo 37.2, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, nos artigos 45 e 46 do Real decreto 2001/1983, do 28 de xullo, declarados vixentes pola disposición derrogatoria única do Real decreto 1561/1995, do 21 de setembro, sobre xornadas especiais de traballo e no Decreto 128/2011, do 30 de xuño, polo que se determina o calendario laboral para o ano 2012 na Comunidade Autónoma de Galicia, esta Xefatura Territorial da Consellería de Traballo e Benestar, elaborou para a provincia de Pontevedra o seguinte:
CALENDARIO LABORAL ANO 2012
PRIMEIRO.—FESTAS LABORAIS DE CARÁCTER XERAL.
De conformidade co disposto no Decreto 128/2011, do 30 de xuño, da Xunta de Galicia, as festas laborais de carácter retribuído e non recuperable no territorio da Comunidade Autónoma de Galicia para o ano 2012 serán as seguintes:
06 de xaneiro Día de Reis.
05 de abril Xoves Santo.
06 de abril Venres Santo.
01 de maio Festa do Traballo.
17 de maio Día das Letras Galegas.
25 de xullo Día Nacional de Galicia.
15 de agosto A Asunción.
12 de outubro Día da Hispanidade.
01de novembro Todos os Santos.
06 de decembro Día da Constitución.
08 de decembro A Inmaculada.
25 de decembro Nadal.
SEGUNDO.—FESTAS LABORAIS DE CARÁCTER LOCAL.
Ao abeiro do disposto no artigo 37.2 do Estatuto dos traballadores, artigo 46 do Real decreto 2001/1983, do 28 de xullo, Decreto 128/2011, do 30 de xuño e o artigo 1.11º do Real decreto 2412/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de traballo, serán inhábiles para o traballo, retribuídas e non recuperables, a proposta do Pleno dos respectivos concellos, as seguintes festas de ámbito local:
TERCEIRO.—
Consonte co disposto no artigo 48.7 da Lei de réxime xurídico das administracións públicas e de procedemento administrativo común, modificada pola Lei 4/1999, do 13 de xaneiro, as festas laborais sinaladas, tanto as de carácter autonómico coma local, terán a consideración de días inhábiles para os efectos de cómputos de prazos
CUARTO.—OBRIGATORIEDADE DO CALENDARIO
En virtude do disposto no artigo 34.6 do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, as empresas deberán ter exposto nun lugar visible do centro de traballo, para coñecemento e consulta dos traballadores, o calendario laboral. O incumprimento do anterior constitúe infracción en materia laboral tipificada no artigo 6.1 do Real decreto lexislativo 5/2000, do 4 de agosto, polo que se aproba o texto refundido da Lei sobre infraccións e sancións na orde social.
Vigo, 24 de outubro de 2011.—A xefa territorial, Carmen Bianchi Valcarce.
