Solicitude de convocatoria de mesa sectorial presidida polo Conselleiro Rueda


7 ene 2013



DIRECTOR XERAL DE XUSTIZA GALICIA
Praza de Europa nº 5-A 4º Andar.
Santiago de Compostela.
Dende a toma de posesión do Sr. Nuñez Feijoo no ano 2009 opuxémonos e denunciamos a falta de interese que o Goberno do P.P tiña na Administración de Xustiza ao non crear unha Conselleria específica de Xustiza, en lugar dunha mastodóntica como a actual.
Pero foron as "imposicións" do Sr. Nuñez Feijoo e sobre todo a súa actitude de monicreque do xefe, pois se negou, non lle deixaron, ou non quixo convocar unha Mesa Sectorial para negociar, ou cando menos explicar cómo se ían aplicar os recortes de Dereitos dos funcionarios da Administración de Xustiza as que demostran a necesidade dunha Conselleria especifica que nos permita ter unha interlocución valida e forte. É lamentable que La voz de Galicia ou o País reciban a información na súa redacción, mentres os propios afectados non sabemos nada.
Eliminación da Paga Extra: A pesar de solicitarse por este Sindicato a Mesa para explicar a aplicación desta medida, cando aínda non se modificara a L.O.P.J, vostede nin convocou e moito menos contestou á nosa petición, a raíz da súa "mala praxe" provocáronse os seguintes problemas que deben ser solucionados:
-       Supresión da paga extra aos traballadores que non alcanzaron as cantidades mínimas recollidas en el R.D Ley 20/2012.
-       Supresión da paga extra aos funcionarios que acaban de chegar no recente Concurso de traslados doutros Territorios, onde xa estaban a sufrir, por parte da Administración competente, a retención da parte proporcional da paga extra.
-       Devolución de xeito inmediato das cantidades, que tras a reclamación de CC.OO ante o Ministerio de Facenda, recoñece que aos funcionarios de Xustiza non se nos pode reter o 100% da paga extra. Este recoñecemento publicouse no BOE, precisamente tras a Lei de Taxas Xudiciais contra a que estamos a loitar.
Redución do 4% do soldo para o 2013: A información filtrada, entregada aos medios de comunicación non é unha forma de negociación aceptada por este Sindicato. Tampouco nos vale que se levase á Mesa Xeral de Función Pública, porque como moi ben sabe temos unha Mesa de Negociación propia, aínda que ultimamente non teña costume de convocala.
Débennos explicar se se vai aplicar aos funcionarios da Administración de Xustiza ou non, e de aplicarse en que conceptos, en que prazos, en que contías, etc.
Por todo o antes exposto esiximos a convocatoria de xeito inmediato dunha Mesa Sectorial presidida polo Sr. Alfonso Rueda, Vicepresidente do Goberno e Conselleiro de Presidencia, Administracións Públicas e Xustiza, pois vostede por obediencia debida ou por calquera outro motivo non foi quen de pilotar esta situación, para tratar todos estes asuntos e todos aqueles que temos pendentes dende hai máis dun ano (creación de prazas servizo de apoio na cidades onde se suprimiron prazas nas Audiencia provinciais como consecuencia concurso de traslado, creación de xulgados, aplicación do R.D. Lei 20/2012, etc...)
Galicia, 3 de xaneiro de 2013

Pablo Valeiras Rios
Responsable do Sector de Xustiza de Galicia

 do Sector de Xustiza de Galicia