Mostrando entradas con la etiqueta dias de vacacións. Mostrar todas las entradas
Mostrando entradas con la etiqueta dias de vacacións. Mostrar todas las entradas

Solicitude de ampliación de prazo disfrute de asuntos particulares e vacacións.


15 de octubre de 2015



CCOO presentou onte no Rexistro Xeral da Xunta de Galicia escrito solicitando que o disfrute dos días de permiso por asuntos particulares  e de vacacións que por resolución do 16 de setembro de 2015 da Secretaría de Estado de administracións públicas fixouse ata o 31 de xaneiro, que se permita dispoñer deles ata o día 31 de marzo de 2016, para que o seu disfrute non repercuta no traballo ordinario das oficinas xudiciais.
Para ver o escrito presentado preme aquí.

Recuperación do 6º día asuntos particulares e o incremento dos días de permiso por asuntos particulares en función da antigüidade e os de vacacións recoñecidos.


21 de septiembre de 2015





 NOTA INFORMATIVA 



En relación coa publicación do Real Decreto Lei 10/2015, no que se inclúe a devolución parcial dalgúns dos dereitos que nos foron roubados en 2012, todos os días de permiso e vacacións que recolle devandito R.D. son de aplicación directa a todo o persoal da Administración de Xustiza,tanto do ámbito do Ministerio como das CCAA con competencias trasferidas.

Este Real Decreto-lei establece, entre outras disposicións, a modificación do número de días de permiso por asuntos particulares, o incremento dos días de permiso por asuntos particulares en función da antigüidade e os de vacacións recoñecidos no Estatuto Básico do Empregado Público (EBEP) :

-Incremento dun día por asuntos particulares:

 Permiso de 6 días ao ano por asuntos particulares (recuperación do sexto día),
polo que este ano temos 7 días (6 fixos e 1 máis polo sábado día 15 de Agosto).

- Días adicionais por asuntos particulares en función da antigüidade:

Recupéranse ata dous días ao cumprir  o sexto trienio, e un día mais por cada trienio cumprido a partir do oitavo.

-Días adicionais de vacacións en función da antigüidade:

Con 15 anos de servizo: 23 días hábiles
Con 20 anos de servizo: 24 días hábiles
Con 25 anos de servizo: 25 días hábiles
Con 30 anos de servizo: 26 días hábiles


E tal e como está redactado o Real Decreto Lei 10/2015, que entrou en vigor o mesmo día da súa publicación (é dicir, o sábado 12 de setembro de 2015), ten efectos inmediatos para todo o persoal da Administración de Xustiza, excepto a recuperación dos días adicionais de vacacións por antigüidade que terá efectos de 1 de outubro de 2015, data de entrada en vigor da reforma da LOPJ.

Tamén, tras a publicación do RDLey 10/2015 tanto os días adicionais de permiso como os días adicionais de vacacións por antigüidade poderán gozarse a partir do día seguinte ao cumprimento do tempo de servizo necesarios que dan dereito ao goce dos mesmos.



TÁBOA DE PERMISOS POR ANTIGÜIDADE  PARA ESTE ANO 2015:

6º Trienio: + 2 días = 9 días (En total por asuntos propios, contanto que temos 7 días                        
7º Trienio: +2 días = 9 días                    “                                                        este ano)
8º Trienio: + 3 días =10 días.                 “
9º Trienio: + 4 días = 11 días.                “
10ºTrienio: + 5 días = 12 días.               “
11ºTrienio: + 6 días = 13 días.               “
12ºTrienio: +7 días =  14 días.               “

………..e así sucesivamente. ( Non hai límite de días).


TÁBOA DE DÍAS ADICIONAIS POR VACACIÓNS :

15 anos: + 1 día = 23 días  ( En total de vacacións )
20 anos: +2 días = 24 días      “
25 anos: +3 días = 25 días      “
30 anos: + 4 días = 26 días     “

Aquí si hai límite , está nos 30 anos, é dicir, a partir dos 30 anos hai 4 días máis, pois aínda que se teñan 35 ou 40 anos, mantéñense os 4 días.

Tanto os días de vacacións como de asuntos propios, poderanse gozar ata o 31 de Xaneiro de 2016.

E aínda que o calendario laboral (Orde JUS/2538/2013 de 27 de decembro –BOE 16/01/14-) establece que tanto os días de asuntos particulares como as vacacións poderán gozarse ata o 31 de xaneiro do ano seguinte CCOO solicitou ao Ministerio de Xustiza que estes días adicionais de permiso e vacacións por antigüidade poidan gozarse como mínimo ata o 31 de marzo de 2016.


-NO caso do sexto día de asuntos particulares xa se pode solicitar a través da OPAX.
-No caso dos días adicionais por asuntos particulares en función da antigüidade estase a habilitar no sistema informático a solicitude a través da OPAX.
-No caso dos días de vacacións en función da antigüidade a aplicación do previsto no RDL  10/ 2015 no entrará en vigor ata o próximo día 01/10/2015, data da entrada en vigor da reforma da Lei orgánica do poder xudicial, operada pola Lei orgánica 7/2015, do 21 de xullo.

Pero segue sen recoñecerse polo Goberno, entre outros dereitos, de forma efectiva, o permiso de nove días de asuntos particulares (tres días máis sobre os seis días de asuntos particulares recoñecidos agora) de que dispoñiamos o persoal da Administración de Xustiza ata 2012, polo que seguiremos loitando para lograr a recuperación dos 9 días de asuntos particulares.


Nota informativa da Dirección Xeral de Xustiza sobre os días de asuntos particulares e de vacacións.


18 de septiembre de 2015


A Dirección Xeral de Xustiza publicou hoxe, 18 de setembro unha nota informativa sobre os días de asuntos particulares e de vacacións.

Para vela nota preme no seguinte enlace:

 Nota informativa sobre a aplicación do Real decreto lei 10/2015, do 11 de setembro, en relación cos días de asuntos particulares e de vacacións.