CCOO denuncia ante a Inspección de traballo a situación dos arquivos


7 abr. 2014


O Sector de Xustiza de CCOO, presentou denuncia ante a Inspección de Traballo da Coruña, pola nefasta situación dos arquivos na cidade de Ferrol, un estado lamentable que, por desgraza, é o común denominador a todos os arquivos xudiciais de Galicia.

 Este é o inicio dunha campaña que levaremos a cabo en todos os arquivos dos partidos xudiciais que se atopen en similar estado, xa que dende a Dirección Xeral de Xustiza tomaron a decisión unilateral de atribuírnos unha nova función, utilizando aos Secretarios Coordinadores como brazo armado : o expurgo, e, dado que os compromisos adquiridos en mesa técnica foron sistematicamente incumpridos, nós, como organización sindical, damos por rota a negociación ata que ditos compromisos se reflictan en realidades.

 Recordamos os puntos que reivindicamos as organizacións sindicais de común acordo despois da última reunión, e que, en tanto nos se vexan satisfeitos, non daremos fin a unha campaña que non ten nada de agresivo, senón que é tan só a constatación dunha realidade, a Dirección Xeral considera os arquivos como vertedoiros de papel:

1.- A convocatoria inmediata dunha mesa técnica de arquivos e expurgo, paralizándose en tanto non teña lugar a atribución de funcións de expurgo aos funcionarios de xustiza.

 2.- O nomeamento de dúas prazas por provincia de funcionarios de reforzo itinerantes, persoal que estaría especializado e cualificado para facer o expurgo con máis eficacia e rapidez. Subsidiariamente, que se oferten prolongacións de xornada voluntarias aos funcionarios de xustiza para levar a cabo estas tarefas.

3.- A creación de verdadeiros arquivos territoriais, e non pequenas salas nas Audiencias ou TSXG, que son de todo punto insuficientes como arquivos definitivos e perpetuarían os problemas de espazo.

4.- A participación sindical na Xunta de Expurgo, co fin de coñecer o ritmo dos traballos e servir de canle de unión entre dito órgano e os traballadores

5.- A dotación suficiente das plantillas de persoal laboral, que está a desempeñar un gran traballo, inasumible cos raquíticos cadros de persoal de que dispoñen, e que a Dirección Xeral pretende solventar derivando funcións destes corpos aos funcionarios de xustiza

Enlaces as novas aparecidas na prensa:

CCOO denuncia el “peligroso e insalubre” estado de los archivos judiciales de Ferrol

El sindicato prevé que el expurgo no comience antes de dos o tres años

La falta de espacio obliga a archivar expedientes en los juzgados, restando espacio a los trabajadores