Comisións de servizo Fase III

A DXX remite a seguinte aclaración relativa as comsións de servizo da Fase II:

En relación ás consultas sobre os ceses de comisións de servizo pola entrada en funcionamento da nova oficina xudicial, infórmase de que o 11.12.2025 se comunicaron os acordos de continuidade e de cese das comisions afectadas pola Fase III. Así, continúan un total de 15 persoas en comisión de servizo e cesan, con efectos do 30.12.2025, 11 das comisións vixentes neste momento.

O cese das ditas comisións débese á obtención das persoas, ou ben dun posto singularizado ou ben a que a praza na que a persoa desempeña a comisión pasa a ser na mesma unidade na que ten posto definitivo. Por último acordouse o cese no caso de que non existise posto vacante de similar contido ao do posto que ocupaba a persoa en comisión naqueles casos nos que a persoa tiña posto definitivo na mesma localidade.

Resolución reasignación forzosa de efectivos Fase III

Con data 05/12/2025 publícase na intranet de xustiza e na páxina web da Consellería, a resolución da Dirección Xeral de Xustiza pola que se adxudican postos de traballo do proceso de reasignación forzosa de efectivos dentro do proceso de reorganización que se realiza con motivo da implantación da fase III .

. - Para ver a resolución, preme aquí

Resolución reordenación de efectivos Fase III

Con data 04/12/205 publícase  a resolución da DXX pola que se adxudican postos de traballo do proceso de reordenación de efectivos dentro da reorganización que se realiza con motivo da implantación da Fase III da Lei Orgánica 1/2025.

. -Para ver a Resolución completa, preme aquí 

Correción de erros da resolución do proceso de reordenación/reasignación (Fase III)

 

Con data 26/11/2025 publicouse na intranet de xustiza e na páxina web da Consellería   unha corrección de erros da Resolución da Dirección Xeral de Xustiza pola que se convoca proceso de reordenación e reasignación forzosa de efectivos dentro do proceso de reorganización que se realiza con motivo da implantación da fase III da Lei orgánica 1/2025.

.  - Para ver a corrección de erros da Resolución, preme aquí

Convocatoria do proceso de reordenación e reasignación forzosa (Fase III)

Con data, 25/11/2025 publicase na intranet de xustiza e na páxina web da Consellería, a Resolución da Dirección Xeral de xustiza, pola que se convoca o proceso de reordenación e reasignación forzosa de efectivos dentro do proceso de reorganización e reasignación forzosa con motivo da implantación da fase III da lei Orgánica 1/2025.

As solicitudes irán dirixidas á Dirección Xeral de Xustiza, da Consellería de Presidencia, Xustiza e Deportes, e deberán presentarse na sede electrónica da Xunta de Galicia mediante o modelo de solicitude xenérica co código PR004A xuntando o modelo do Anexo II. No Anexo II deberá indicar as súas preferencias para a fase de reordenación de efectivos e para a de reasignación forzosa, tal e como se indica no modelo.

O prazo para a presentación das solicitudes será de TRES DÍAS HÁBILES contados a partir do día seguinte ao da publicación desta convocatoria na intranet de xustiza e mais na web da Consellería de Presidencia, Xustiza e Deportes.

-Para ver a Resolución completa, preme aquí

Listaxe de postos que se ofertarán a Reordenación/reasignación forzosa ( Fase III)

A DXX remite a CCOO e ao resto de organizacións sindicais  a listaxe dos postos de traballo da fase III que serán ofertados a reordenación e reasignación forzosa. 

Está previsto que a resolución de convocatoria se publique o día 25/11/2025 .

. - Para ver a listaxe de prrazas , preme aquí 

Consulta confirmacións Fase III

 A DXX comunica a CCOO e ao resto de organizaxións sindicais que hoxe está prevista a publicación na intranet e na páxina web da INSTRUCIÓN SOBRE A CONSULTA AO PERSOAL FUNCIONARIO DAS SÚAS PREFERENCIAS PARA A CONFIRMACIÓN NO POSTO DENTRO DO PROCESO DE REORGANIZACIÓN DE EFECTIVOS DA FASE III.

O formulario coa preferencia sobre a confirmación deberá completarse obrigatoriamente na Oficina Virtual do Persoal da Administración de Xustiza (OPAX) no sitio web http://opax.xunta.es no prazo dos 3 días hábiles seguintes ao da publicación desta instrución na Intranet de xustiza e na web da consellería de presidencia, Xustiza e Deportes.

 

-Para ver as instrucións  preferencia confirmación, Fase III, preme aquí

Porcentaxes proceso de reorganización Fase III

A Dirección Xeral de xustiza ,de conformidade co establecido na disposición transitoria primeira do RD 1451/2005, do 7 de decembro, polo que se aproba o Regulamento de Ingreso, Provisión de Postos de Traballo e Promoción Profesional do Persoal Funcionario ao Servizo da Administración de Xustiza, “Proceso de acoplamento dos funcionarios dos corpos ao servizo da Administración de Xustiza” achega os datos sobre a proporción do persoal das unidades actuais segundo a súa tipoloxía, de cara á súa proxeción nos servizos común de destino en idéntica proporción.

. -Para ver a resolución completa, preme aquí 

Fase III: confirmación do persoal nos xulgados de VSM de Santiago e Ourense

 

 

A Dirección Xeral de Xustiza comunica a CCOO e ao resto de organizacións sindicais que no día de hoxe se puxo a disposición do persoal funcionario dos Xulgados de Instrucción N.3 de Santiago de Compostela e Ourense en NOTIFICA un oficio en relación a súa preferencia para a confirmación dentro do proceso de reorganización de efectivos da Fase III.

Este persoal pode optar por confirmarse nun posto identificado na relación de postos de traballo como de Violencia sobre a muller ou nun posto identificado como de gardas. O prazo para manifestar a súa preferencia é de 3 días hábiles.

O escrito manifestando a súa preferencia irá dirixido á Dirección Xeral de Xustiza da Consellería de Presidencia, Xustiza e Deportes e deberá presentarse na sede electrónica da Xunta de Galicia (https://sede.xunta.gal) mediante o modelo de solicitude xenérica co código PR004A.

Se dentro do prazo establecido non manifestasen a súa preferencia, confirmaranse no posto coa observación de Violencia sobre a muller (VSM) tal e como recolle o plan de reorganización.

 

Grupo de traballo para o proceso de reordenación nos Tribunais de Instancia das sete cidades galegas (28/10/2025)

 

 

No día de onte na Dirección Xeral de Xustiza, reunímonos CCOO e as demais organizacións co persoal que está a traballar dende a administración no proceso de reordenación.

 

Resumimos nos seguintes puntos os aspectos máis salientables do proceso:

 

1.- O xoves da semana pasada enviáronse aos LAX en formato excel unhas táboas para determinar a función que estaba a exercer cada funcionario: tramitar, executar, tramitar e executar. Tiñan un prazo de tres días e a gran maioría xa teñen remitida a resposta.

 

2.- A vindeira semana enviarase a través do OPAX a cada traballador para que comunique se tramita ou executa, e se quere optar por un posto de similar contido ao que viña desenvolvendo.

 

3.- Con estes dous documentos, os dos LAX, e as respostas dos traballadores a través do OPAX, sacaranse uns listados provisionais para efectuar alegacións e resolver posibles discrepancias.

 

4.- A continuación remitirase a confirmación, que, malia a nosa oposición e non ter sido recollida como alegación, non é voluntaria. É dicir se hai o mesmo número de prazas que postos hai que confirmarse de forma obrigatoria, unicamente se pasa a reordenación cando hai máis persoas que prazas. Para a confirmación, neste último suposto, ten preferencia a maior antigüidade no posto de traballo.

A confirmación no posto dos xulgados de violencia de Ourense e Santiago, de nova creación, farase optando entre Violencia ou Garda, a través dunha notificación por sede aos interesados.

 

5.-  Os que non poidan confirmar entran no proceso de reordenación, para escoller as vacantes prevalecerá a antigüidade no centro de destino.

 

6.- Outras casuísticas:

·        .- Os que se xubilen antes e so antes do 31/12 /2025 non entran no proceso.

 

·       .-  O persoal en excedencia por coidado de familiar ou en situación de IT deben acceder ao OPAX

 

·      .-   As porcentaxes que determinarán a proporción dos repartos por orde xurisdicional se remitirán o antes posible e serán obxecto de mesa sectorial.

 

·       .-  Hai persoal, pouco, que por determinadas circunstancias non puido tomar posesión e queda por avaliar se van a confirmación ou reordenación. O mesmo ocorre co persoal de auxilio de SC de apoio dos decanatos e do TSXG, para o que se escoitarán ás organizacións sindicais.

 

·         Grazas a presión de CCOO e o resto de organizacións, o persoal que tramita e executa, que é a inmensa maioría, vai en igualdade de condicións ao proceso de confirmación, sen pasar a unha segunda fase, despois dos que so tramitan ou so executan, como era intención da administración.

Concurso específico : Listaxes e baremación provisional de xefaturas do corpo de auxilio xudicial

Con data 21/10/2025 publicouse na intranet de xustiza e na páxina web da Consellería a Resolución do 21 de outubro de 2025, pola que se aproba a listaxe e baremación provisional das persoas admitidas no concurso específico para a provisión, polo sistema de concurso específico, de postos do corpo de auxilio xudicial, convocado pola Resolución do 8 de setembro de 2025 (DOG nº 180, do 18 de setembro).

As persoas interesadas poderán alegar e xustificar o que consideren conveniente sobre os resultados da valoración dentro dos 3 días hábiles seguintes ao da publicación desta resolución.

. -Para ver a resolución completa, preme aquí

Publicada a resolución co procedemento para a reorganización de efectivos , Fase III.

 

Con data 12/09/2025 saíu publicada na intranet de xustiza,   a resolución co procedemento para o desenvolvemento da reorganización de efectivos das oficinas de xustiza, oficinas xerais do Rexistro Civil e oficinas de xustiza do municipio da fase III.

. - Para ver a Resolución completa, preme aquí 

DOG: publicación da relación de postos de traballo da Fase III

Con data 11/09/2025 publícase a Resolución do 29 de agosto de 2025, da Dirección Xeral de Xustiza, pola que se aproban as relacións de postos de traballo da Secretaría de Goberno e das oficinas de xustiza, fase III e a Resolución do 29 de Agosto de 2025 pola que se aproba a relación de postos de traballo das oficinas do Rexistro Civil.

Para ver a Resolución completa  RPTS da Secretaría de Goberno e oficinas de xustiza, preme aquí

Para ver a Resolución completa  RPTS das oficinas do Rexistro Civil, preme aquí

Convocatoria do proceso de reordenación e reasigación forzosa de efectivos, fase I

 

Con data 03/06/2025saiu publicada  na intranet de xustiza e na páxina web da Consellería,  a Resolución da Dirección Xeral de Xustiza  pola que se convoca o proceso de reordenación e reasignación forzosa de efectivos dentro do proceso de reorganización que se realiza con motivo da implantación da fase I da Lei orgánica 1/2025.

Para calquera dúbida, as persoas interesadas poderanse dirixir á Dirección Xeral de Xustiza a través do correo electrónico servizo.persoal.xustiza@xunta.gal.

- Para ver a Resolución completa, preme aquí

 -Para ver o Anexo II, preme aquí