Ampliación do plazo vacacións e asuntos particulares 2015.

A Dirección Xeral publicou o pasado venres 13 de novembro, a resolución que amplía o plazo para o gozo dos días de vacacións e asuntos particulares (tanto os ordinarios coma os adicionais) ata o 31 de marzo de 2016.

O artigo 503.1 da Lei orgánica 6/1985, do 1 de xullo, do poder xudicial, establece que "por causas xustificadas, os funcionarios terán dereito a iguais permisos e coa mesma extensión ca os establecidos na normativa vixente aplicable aos funcionarios da Administración xeral do Estado".

O Real decreto lei 10/2015, do 11 de setembro, polo que se conceden créditos extraordinarios e suplementos de crédito no orzamento do Estado e se adoptan outras medidas en materia de emprego público e de estímulo á economía, modifica o artigo 48 do Estatuto básico do empregado público, que queda redactado como segue: "Os funcionarios públicos terán os seguintes permisos:
-Por asuntos particulares, seis días ao ano".

O dito real decreto lei engade, ademais, no Estatuto básico do empregado público a disposición adicional décimo cuarta, que establece que "as administracións públicas poderán establecer até dous días adicionais de permiso por asuntos particulares ao cumprir o sexto trienio, que se incrementarán, como máximo, nun día adicional por cada trienio cumprido a partir do oitavo", e mais a disposición adicional décimo quinta, que establece que "cada Administración pública poderá establecer até un máximo de catro días adicionais de vacacións en función do tempo de servizos prestados polos funcionarios públicos".

Este real decreto lei, de acordo coa súa disposición derradeira terceira, entrou en vigor o día da súa publicación no BOE.


Tendo en conta as datas en que se produce a entrada en vigor da modificación mencionada e os movementos do persoal como consecuencia do concurso de traslados, e para facilitar o gozo dos días que por vacacións e asuntos particulares estean pendentes de desfrutar os/as funcionarios/as, esta dirección xeral resolve autorizar a súa concesión (tanto dos ordinarios coma dos adicionais) ata o 31 de marzo de 2016, respectando en todo caso as necesidades do servizo.

Ampliación prazo disfrute dos días de vacacións e asuntos por antigüidade

O xoves, 15 de outubro, celebrouse a xuntanza da Mesa Xeral de Empregados Públicos  na que se acordou:
- Ampliar  o prazo para o disfrute de días por asuntos particulares e vacacións por antigüidade ata o 30 de abril de 2016 
- Que os días por asuntos particulares se poidan acumular aos días de vacacións que se poden gozar de forma independente.

A entrada en vigor será previsiblemente a próxima semana  unha vez publicado no DOG.

Recuperación do 6º día asuntos particulares e o incremento dos días de permiso por asuntos particulares en función da antigüidade e os de vacacións recoñecidos.

 NOTA INFORMATIVA 

En relación coa publicación do Real Decreto Lei 10/2015, no que se inclúe a devolución parcial dalgúns dos dereitos que nos foron roubados en 2012, todos os días de permiso e vacacións que recolle devandito R.D. son de aplicación directa a todo o persoal da Administración de Xustiza,tanto do ámbito do Ministerio como das CCAA con competencias trasferidas.

Este Real Decreto-lei establece, entre outras disposicións, a modificación do número de días de permiso por asuntos particulares, o incremento dos días de permiso por asuntos particulares en función da antigüidade e os de vacacións recoñecidos no Estatuto Básico do Empregado Público (EBEP) :

-Incremento dun día por asuntos particulares:

 Permiso de 6 días ao ano por asuntos particulares (recuperación do sexto día),

polo que este ano temos 7 días (6 fixos e 1 máis polo sábado día 15 de Agosto).

- Días adicionais por asuntos particulares en función da antigüidade:

Recupéranse ata dous días ao cumprir  o sexto trienio, e un día mais por cada trienio cumprido a partir do oitavo.

-Días adicionais de vacacións en función da antigüidade:

Con 15 anos de servizo: 23 días hábiles

Con 20 anos de servizo: 24 días hábiles

Con 25 anos de servizo: 25 días hábiles

Con 30 anos de servizo: 26 días hábiles

E tal e como está redactado o Real Decreto Lei 10/2015, que entrou en vigor o mesmo día da súa publicación (é dicir, o sábado 12 de setembro de 2015), ten efectos inmediatos para todo o persoal da Administración de Xustiza, excepto a recuperación dos días adicionais de vacacións por antigüidade que terá efectos de 1 de outubro de 2015, data de entrada en vigor da reforma da LOPJ.

Tamén, tras a publicación do RDLey 10/2015 tanto os días adicionais de permiso como os días adicionais de vacacións por antigüidade poderán gozarse a partir do día seguinte ao cumprimento do tempo de servizo necesarios que dan dereito ao goce dos mesmos.

TÁBOA DE PERMISOS POR ANTIGÜIDADE  PARA ESTE ANO 2015:

6º Trienio: + 2 días = 9 días (En total por asuntos propios, contanto que temos 7 días                        

7º Trienio: +2 días = 9 días                    “                                                        este ano)

8º Trienio: + 3 días =10 días.                 “

9º Trienio: + 4 días = 11 días.                “

10ºTrienio: + 5 días = 12 días.               “

11ºTrienio: + 6 días = 13 días.               “

12ºTrienio: +7 días =  14 días.               “

………..e así sucesivamente. ( Non hai límite de días).

TÁBOA DE DÍAS ADICIONAIS POR VACACIÓNS :

15 anos: + 1 día = 23 días  ( En total de vacacións )

20 anos: +2 días = 24 días      “

25 anos: +3 días = 25 días      “

30 anos: + 4 días = 26 días     “

Aquí si hai límite , está nos 30 anos, é dicir, a partir dos 30 anos hai 4 días máis, pois aínda que se teñan 35 ou 40 anos, mantéñense os 4 días.

Tanto os días de vacacións como de asuntos propios, poderanse gozar ata o 31 de Xaneiro de 2016.

E aínda que o calendario laboral (Orde JUS/2538/2013 de 27 de decembro –BOE 16/01/14-) establece que tanto os días de asuntos particulares como as vacacións poderán gozarse ata o 31 de xaneiro do ano seguinte CCOO solicitou ao Ministerio de Xustiza que estes días adicionais de permiso e vacacións por antigüidade poidan gozarse como mínimo ata o 31 de marzo de 2016.

-NO caso do sexto día de asuntos particulares xa se pode solicitar a través da OPAX.

-No caso dos días adicionais por asuntos particulares en función da antigüidade estase a habilitar no sistema informático a solicitude a través da OPAX.

-No caso dos días de vacacións en función da antigüidade a aplicación do previsto no RDL  10/ 2015 no entrará en vigor ata o próximo día 01/10/2015, data da entrada en vigor da reforma da Lei orgánica do poder xudicial, operada pola Lei orgánica 7/2015, do 21 de xullo.

Pero segue sen recoñecerse polo Goberno, entre outros dereitos, de forma efectiva, o permiso de nove días de asuntos particulares (tres días máis sobre os seis días de asuntos particulares recoñecidos agora) de que dispoñiamos o persoal da Administración de Xustiza ata 2012, polo que seguiremos loitando para lograr a recuperación dos 9 días de asuntos particulares.

Ver enlace Real  Decreto Lei 10/2015

Ver enlace Resolución de 16 de setembro 2015 pola que se dictan instruccións sobre xornada e horarios de traballo do persoal ao servicio da Administración Xeral do Estado e os seus organismos públicos.