CCOO denuncia a insoportable situación da Oficina de xustiza municipal de Oleiros, en materia de limpeza e insalubridade.
Non é a primeira nin a segunda vez que as disputas
competenciais entre Concello e Dirección Xeral de Xustiza supoñen que ningúen esta
a desnvolver as labores de limpeza nesa oficina xudical, o antigo Xulgado de
Paz de Oleiros, agora Oficina de xustiza municipal.
Neste tipo de oficinas, os locais son postos a disposición
polos Concellos, aos que a Xunta de Galicia, nos seus orzamentos, asigna unha
partida económica para o seu mantemento,
varios miles de euros para expresamente aboar as cantidades que supoñan
gastos como a luz, auga, e limpeza.
As disputas administrativas sobre a insuficiencia das partidas ou quen é
responsable desas funcións, entre a Xunta e o Concello de Oleiros, non poden
desembocar nunha falta de dilixencia mínima, que manteña en condicións óptimas
este órgano, xerando un prexuízo evidente en materia de riscos de prevención,
pola falta de hixiene, que poden derivar en riscos psicosociais, por afectar á
dignidade dos traballadores.
Así mesmo, contra as mensaxes triunfalistas da Dirección
xeral de Xustiza en torno á implantación existosa dos Tribunais de Instancia,
derivados da Lei de eficiencia organizativa, a realidade palpable ábrese paso,
e aos problemas de falta de persoal, atrasos significativos nos sinalamentos
dos xuízos e falta de previsión organizativa, súmanse agora problemas que non
son puntuais, como se derivan de todas as deficiencias non corrixidas ao longo
do tempo nos diferentes informes de prevención en múltiples vilas e cidades, e
que poñen en risco a imaxe eficiente que se debera ter da Xustiza Pública.
Dende CCOO instamos a que se corrixa de maneira inmediata
esta situación, establecendo unha limpeza regular das dependencias, con
independencia da solución dos conflitos que puidera haber entre Concello e
Xunta e, de non ser así, acudiremos á Inspección de traballo co fin de garantir
un traballo digno e unha Xustiza Pública de calidade.
